【中文】 作文背文正確方法

懶人包:背文既方法係可行既,但要多練習;背佳字佳句前提係你個人本身文筆唔錯。




source from ig: dse_chinese_7776


背文既意思大家都應該明啦~
大致係先準備左個框架,之後考試個陣照單執藥,再加啲扣題既內容就完成左篇文。

但係呢個方法最大既風險就係扣題部份要非常留意
一唔小心寫得太high,或者有對野寫唔足,就會扣題扣得唔好
始終無一個框架可以100%貼近所有題目,除非你貼中題眼。

同埋留意既係同一個內容結構,有啲同學會拎3,有啲可以5**
點解反差會咁大呢?
其中一個可能既原因係描寫唔夠細緻(好似之前我有個post講過)
例如好多同學都中意用義教做題材。

唔係話唔得,但好多同學寫人寫景都只係點到即止,唔夠深刻
例如你想寫義教個陣教山區兒童
除左寫佢地求學既態度,仲可能可以描寫下佢地臉上既神情、動作(仔細聽/認真抄筆記,你教左既英文佢地會一絲不苟咁抄低⋯⋯)、語言(好多問題,突顯求學精神),又或者可以寫下班房到底有幾殘舊,無風扇、牆面剝落、課室有陣味等等,再可能對比番自己平時唔識珍惜等等⋯⋯
當然上面提個啲係比大家參考下,其實有好多角度都可以切入,但大部份同學描寫能力都唔好,令到就算同樣內容,分數都會有分別。

另外建議既係用自己既文字去描寫
例如好多同學中意融情入景
成篇文章開頭就太陽,之後烏雲,最後出番太陽
跟住寫景既部份就背一大堆超靚既字,又咩餘暉染紅了乜乜乜,又咩流星劃過蒼穹。

唔係話唔得,但要留意既係你背左啲字句同你本身既文筆差距
上面都有提基本上你一定要加啲扣題位
同埋好多野都要你自己做扣連
咁樣你自己既文句同背左既文句如果差異太大
咁就變得好明顯同會好怪異
反而會比到閱卷員一個十分差既印象

希望上面講既野幫到大家啦😇